Halloweenfeiring: 3–11 år

Det er dagen før dagen, og vi fyller biblioteket med grøssande gøye og nifst morsomme aktiviteter! Moroa er spreidd rundt i lokalet og kan gjennomførast i den rekkefølgen ein ønsker sjølv. Det tek om lag ein time å gjere alt, og du avgjer sjølv kva tid du vil komme. Kom innom for ein uhyrleg kjekk dag for store og små!

Program

– Monstermoro! Kast på boks, mat monsteret m.m.

– Spøkelsesjakt – leit og finn spøkelse som har gøymt seg rundt bokhyllene.

– Eventyrstund for dei minste – barnebibliotekaren fortel noko gru-koseleg, for 3–6 år. Klokka 11.30, 12.30 og 13.30.

– Fanga i edderkoppnettet! Vågar du gå inn i insekthola? Tør du smake på eit insekt – eller blir det insektet som smakar på deg?

– Biblioteksmysteriet: Bli med inn i vårt mini escape room. Greier du å løyse mysteriet og komme deg ut før tida er ute? Passar for 7–11 år.

Påmelding

Send ein e-post med namn og telefonnummer til bibliotek@askoy.kommune.no